2018 වැඩසටහන් සැළැස්ම සදහා මහජන අදහස් විමසීම
2018 වැඩසටහන් සැළැස්ම බාගත කර ගන්න
2002 අංක 35 දරන ශ්‍රී ලංකා මහජන උපයෝගිතා කොමිෂන් සභා පනත මගින් ශ්‍රී ලංකා මහජන උපයෝගිතා කොමිෂන් සභාව පිහිටුවන ලදී. එම පනත යටතේ විදුලිබල කර්මාන්තය, ජල සේවා කර්මාන්තය හා ඛණිජ තෙල් කර්මාන්තය යන කර්මාන්ත නියාමනය සදහා නම් කෙරිනි. 2009 අංක 20 දරන ශ්‍රී ලංකා විදුලිබල පනත බලාත්මක වීමෙන් අනතුරුව විදුලිබල කර්මාන්තයේ ආර්ථික, තාක්ෂණික හා ආරක්ෂණ යන ක්ෂේත්‍රවල නියාමන කටයුතු ශ්‍රී ලංකා මහජන උපයෝගිතා කොමිෂන් සභාව විසින් ආරම්භ කරන ලදී. ජල සේවා සහ ඛණිජතෙල් යන කර්මාන්ත වලට අදාල පනත් සංශෝධනය කර නියාමන බලතල කොමිෂන් සභාවට පැවරීමෙන් අනතුරුව එම කර්මාන්ත වල නියාමන කටයුතු ආරම්භකිරීමට කොමිෂන් සභාව මුලික පියවර ගෙන ඇත. ලිහිසි තෙල් වෙළදපොල ඡායාමාත්‍ර නියාමන ආයතනය වශයෙන් ද කොමිෂන් සභාව නම් කර තිබේ.
2002 අංක 35 දරන ශ්‍රී ලංකා මහජන උපයෝගිතා කොමිෂන් සභාව පනත හා 2009 අංක 20 දරන ශ්‍රී ලංකා විදුලිබල පනත යන පනත්වල සදහන් අරමුණු ළගා කර ගැනීම සදහා ආයතනික ප්‍රථිඵල රාමුව සහ ප්‍රධාන ක්ෂේත්‍ර කිහිපයක් පදනම් කරගෙන මෙම වැඩසටහන් සැළසුම් කර ඇත. සෑම වසරකම කොමිෂන් සභාවේ වැඩසටහන් හදුනාගනු ලබන්නෙ එම පදනම මත වන අතර 2018 සදහා යෝජිත වැඩසටහන්ද ඒ අනුව සකස් කර තිබේ. යෝජිත ව්‍යාපෘති සම්බන්ධයෙන් මහජනතාවගේ අදහස් හා යෝජනා සැළකිල්ලට ගැනීමටද කොමිෂන් සභාව තීරණය කර ඇත.
යෝජිත ව්‍යාපෘති ඇතුලත් 2017 ක්‍රියාකාරකම් සැළැස්මෙහි පිටපත් www.pucsl.gov.lk වෙබ් අඩවියට පිවිස ලබාගත හැකිය.
මුද්‍රත පිටපතක් පරිශීලනය සදහා ශ්‍රී ලංකා මහජන උපයෝගිතා කොමිෂන් සභා කාර්යාලයෙහි ද තබා ඇත.
වෙබ් අඩවිය (www.pucsl.gov.lk )හරහා කොමිෂන් සභාවේ ෆේස් බුක් ගිණුම (www.facebook.com/pucsl) හරහා හෝ consultation@pucsl.gov.lk යන ඊමේල් ලිපිනය මගින්ද අදහස් හා යෝජනා ඉදිරිපත් කළ හැකි ය.
මේ සම්බන්ධයෙන් ඉදිරිපත්කරන යෝජනා 2017 සැප්තැම්බර් මස 12 වැනි දිනට පෙර එවිය යුතු වේ.
දිනය 2017/08/22