2016-2020 කාලය සඳහා ලංකා විදුලි බල මණ්ඩලයේ (ලංවිම)හා ලංකා විදුලි පුද්ගලික සමාගමේ (ලෙකො) වාර්ෂික ආදායම් පිළිබඳ මහජන අදහස් විමසීම
ධවල පත්‍රය ලබා ගැනීමට පිවිසෙන්න
ලංකා විදුලිබල මණ්ඩලයට නිකුත් කර ඇති අංක ඊ එල්/09-002 දරණ සම්ප්‍රේශණ හා තොග සැපයුම් බලපත්‍රයේ 02 වන කොන්දේසිය සහ ලංකා විදුලිබල මණ්ඩලයට හා ලංකා විදුලි පුද්ගලික සමාගම යන ආයතනවලට නිකුත් කර ඇති බෙදාහැරීම් බලපත්‍ර 05 හි 31 වන කොන්දේසිය යටතේ එම බලපත්‍රලාභින් විසින් 2016 ජනවාරි මාසයේ සිට ඉදිරි අවුරුදු 5ක කාලයක් සදහා ආදායම් ඇස්තමේන්තු ශ්‍රී ලංකා මහජන උපයෝගිතා කොමිෂන් සභාව (කොමිෂන් සභාව) වෙත අනුමැතිය සදහා ඉදිරිපත් කර තිබේ.
කොමිෂන් සභාව අනුමත කරන ලද පිරිවැය මත පදනම් වු ක්‍රමවේදයට අනුකූලව විදුලිබල අයක්‍රම සැකසීමේදී පාරිභෝගිකයින්ට හා වෙනත් උනන්දුවක් දක්වන පාර්ශ්වයන්ට ඒ සදහා සහභාගිවීමට අවස්ථාව සලසා දීමේ අරමුණින් ශ්‍රී ලංකා විදුලිබල පනතේ 30 වන වගන්තිය යටතේ උපදේශන පත්‍රිකාවක් කොමිෂන් සභාව විසින් නිකුත් කර ඇත.
එම උපදේශන පත්‍රිකාව www.pucsl.gov.lk. එම වෙබ් අඩවියට එක් කර ඇත.
උපදේශන පත්‍රිකාවෙහි පහත අංක (i) සිට (viii) දක්වා සදහන් විශේෂිත ක්ෂේත්‍ර සම්බන්ධයෙන් සිය අදහස් ඉදිරිපත්කරන ලෙස කොමිෂන් සභාව මෙයින් ආරාධනා කර සිටී.
මේ සම්බන්ධයෙන් උනන්දුවක් දක්වන පාර්ශ්වයන් තම අදහස් හා යෝජනා ලිඛිතව කොමිෂන් සභාව වෙත 2016 පෙබරවාරි මස 12 වැනි දින හෝ ඊට පෙර ඉදිරිපත් කළ යුතු වේ. ලිඛිත ඉදිරිපත් කිරිම් පහත සදහන් ලිපිනය¸ ඊමේල් ලිපිනය හෝ ෆැක්ස් අංකය හරහා ඉදිරිපත් කරන ලෙස ඉල්ලා සිටිමු.
ලිපිනය
විදුලිබල බලපත්‍රලාභීන්ගේ වාර්ෂික ආදායම් පිළිබද මහජන අදහස් විමසීම
ශ්‍රී ලංකා මහජන උපයෝගිතා කොමිෂන් සභාව
6 වන මහල
ලංකා බැංකු වෙළද කුළුණ, අංක 28,
සාන්ත මයිකල් පාර
කොළඹ 3
ඊමේල්
consultation@pucsl.gov.lk
ෆැක්ස්-011-2392641
කොමිෂන් සභාවේ වෙබ් අඩවිය www.pucsl.gov.lk ඔස්සේ ද ඔබේ අදහස් ඉදිරිපත් කළ හැකිය
වාචික අදහස් දැක්වීමේ අදියරක් පැවත්වීම සදහා ද සැළසුම් කර තිබේ. ඒ පිළිබද වැඩිදුර තොරතුරු පසුව දැනුම් දෙනු ලැබේ. ඒ සදහා සහභාගි වීමට කැමති පුද්ගලයින් සිය ලිඛිත අදහස් සමග ඒ බව ද දන්වා එවිය යුතු වේ.
වැඩිදුර විස්තර සදහා එරන්දි උඩගෙඅච්චි මෙනවිය අමතන්න (011)2392607/8
දිනය : 2016 ජනවාරි 22